Arbeni lindi më 2 janar 1976 dhe vdiq më 21 maj 1998.<br>

Më 20 maj të vitit 1998, Arben Haliti dhe me disa bashkëluftëtarë të tjerë, niset për në fshatin Budisalc, për kryerjen e një aksioni kundër kriminelëve serb. Gjatë kësaj detyre, në mes të fshatrave Kryshec e Budisalc, pranë hekurudhës Klinë-Pejë, Arbeni me shokë bie në pritë të policisë serbe. Aty zhvillohet një betejë e ashpër mes gjashtë luftëtarëve te UÇK-së dhe bandës së kriminelëve serbë, e cila kishte edhe mbështetjen e armatës.<br>

Luftimet zgjatën deri në mbrëmje, dhe Arbeni u plagos. Pas mbarimit të municionit, luftëtarët shqiptarë, me urdhrin e Arbenit, vendosin të tërhiqen. I plagosur, Arbeni arrin të tërhiqet zvarrë drejt bregut të Drinit, ku fshihet afër një shelgu. Aty buzë lumit qëndron tërë natën, pa pasur mundësi për të depërtuar më tutje.<br>

Të nesërmen në mëngjes, më 21 maj, forcat serbe e rrethojnë vendin ku ndodhej Arbeni dhe e gjejnë të dërrmuar nga plagët, të lodhur, por të paepur. Policët Stojan Donçiq dhe Voja Donçiq, të pasuar nga dhjetëra policë të tjerë, Arben Halitin, të plagosur rëndë, e torturojnë mizorisht dhe e çojnë në stacionin policor të Klinës.<br>

Prenk Palushi nga Drinishti i Madh thotë se ata policë serb nga fshatrat Stub dhe Budisalc, të cilët e kishin kapur Arbenin, ata edhe e kanë vrarë.<br>

Në nderim dhe përkujtim të tij, sot busti i tij gjindet në Klinë, në qendër të qytetit.