Ali Ajeti u lind në fshatin Sfeqël të Besianës, në vitin 1957 në një familje të njohur atdhetare.<br>

Më 31 maj të vitit 1989 bie heroikisht, Ali Ajeti, i burgosur politik atdhetar dhe revolucionar i njohur i kohës. Lindi në vitin 1957 në fshatin Sfeçël të komunës së Besianës. Ai i takonte një grupi të organizuar dhe të armatosur të cilët kryenin sulme kundër milicisë vrastare serbe. Në mesin e rinisë militante të viteve 80, një vend të rëndësishëm zë edhe veprimtaria e atdhetarit dhe luftëtarit të mirënjohur Ali Ajeti, i cili me disa bashkëveprimtarë kishte krijuar njësitin gueril, që më vonë do të quhej “Çeta e Llapit”<br>

Më 30 maj të vitit 1989 ishte organizuar një demonstratë masive e shqiptarëve liridashës në Besianë, meqë gjatë atyre ditëve Kosovën po e vizitonte një delegacion diplomatësh nga Parlamenti Evropa, mbase me qëllim për t’ u njohur për së afërmi me rrjedhat në Kosovë, pas pezullimit të Autonomisë së Kosovës nga regjimi kriminal i Milosheviqit. Ali Ajeti i armatosur printe në ballë të demonstratës masive e cila mori përmasa.<br>

Më 31 maj të po atij viti, militanti i lirisë, komandanti i “Çetës heroike të Llapit” Ali Ajeti bie duke luftuar trimërisht e heroikisht kundër milicisë së Milosheviqit, në fshatin Shtedim të Besianës, (ish-Podujevë). Jeta dhe veprimtaria atdhetare e Ali Ajetit u bë burim frymëzimi jo vetëm për bashkëveprimtarët e tij të ilegales, por edhe për tërë rininë militante të kohës.<br>

Jeta dhe veprimtaria atdhetare e Ali Ajetit u bë burim frymëzimi jo vetëm për bashkëveprimtarët e tij të ilegales, por edhe për tërë rininë militante të kohës. Veprën e tij heroike, sipas idesë militante të Ukshin Hotit, “Bëje ose vdis” do ta vazhdonte njëri ndër komandantët më emblematik të luftës së UÇK-së Zahir Pajaziti me bashkëluftëtarët e tij nga Llapi e tërë Kosova.